Esan liteke proba honekin ofizialki estreinatzen dela Donostialdeko running denboraldia. Dakizuten moduan lasterketa honen ibilbideak 10 km inguru ditu (errealitatean metro batzuk gutxiago izan arren) eta guztiz laua da, beraz aukera bikaina izaten da norberaren sasoi puntua ebaluatzeko. Aurtengo ekitaldian gainera partehartzaile errekor berria dugu, pertsona kopuru mugara iritsi baitira antolatzaileak, 3100 izen-emate lortu dituztelarik. Azpian ikuskatu dezakezute korrikalariok burutuko dugun zirkuitoa.
Adi egon Aquarium-eko eskaileretan behera sortu daitezkeen jende-pilaketa edota estropozuekin!
Bestalde igandekoa egun handia izango da bertan estreinatuko baitugu ofizialki Suziri Taldeko elastiko berria. Bi modelo ezberdin ditugu, mangarik gabekoa eta manga motzekoa, baina biek azpian ikus dezakezuten diseinua jarraitzen dute. Sartu zazue ongi zeuen buruetan zeren suziri berdeak abiada batean pasako dira Donostiako kaleetan zehar.
No comments:
Post a Comment